Handball

L’urigine di u handball

L’urigine luntane di issu ghjocu ricollerebbenu à u 1898, incù l’apparizione in a Danimarca di u”haandbold”, un ghjocu chì si praticheghja nant’à un picculu terrenu. Ind’è l’anni 1900, un irlandese chì si chjamava Casey purtava ind’è i Stati-Uniti un ghjocu listessu à u hand d’oghje : issu sportu piacia tantu ch’una cumpetizione fù urganizata in Los Angeles in u 1919. Quantunque, si dà l’invenzione di issu sportu à l’alemanu Carl Schellenz, chì era prufissore à a Scola Nurmale  Germanica d’Educazione Fisica di Leipzig. Hà creatu u handball à ondeci in u 1919 ispirendu si di u “Torball” (ballò à u but).

Storia di u handball

U handball, chì era ghjucatu fora in squadre d’ondeci ghjucatori, spunta cum’è sportu di mostra à i Ghjochi Olimpichi d’Amsterdam in u 1928. Ghjè à stu mumentu chì hè nata a Federazione Internaziunale di Handball Amatore (F.I.H.A). In u 1936, quandu a F.I.H.A conta 23 pays affiliati, issu sportu entre in u prugramma di i Ghjochi Olimpichi di Berlin. Dui anni dopu, l’Alimagna urganiseghja i primi Campiunati di u Mondu à ondeci è à sette è ne vince i dui tituli. Dopu à a Seconda Guerra Mundiale, u handball sparisce di u prugramma di i Ghjochi Olimpichi d’estate ; ci vole à aspettà i Ghjochi di Munich in u 1972, per chì u hand à sette sia iscrittu à u prugramma di i Ghjochi Olimpichi di l’omi. In u 1946, ottu federazione naziunale creanu in Copenhague l’attuale Federazione Internaziunale di Handball (IHF). In u 1954, u ghjocu à sette face a so apparizione in cumpetizione ufficiale è caccia à a lestra u ghjocu à ondeci. Stu ultimu sparisce di manera definitiva di a scena internaziunale in u 1966. U ghjocu, ghjucatu sempre fora, si stalla pocu à pocu ind’è e sale.

E regule di u ghjocu 

U scopu di u ghjocu hè di marcà ind’è u but di l’altra squadra, lampendu u ballò à a forza di i braccii, da u fora di l’aghja di but (6 metri). Un attaccante pò quantunque saltà da sopra à l’aghja, ma solu s’ellu hà tiratu nanzu di rifallà. Ogni but porta un puntu. À a fine di u tempu, a squadra chì t’hà u più punti vince u macciu. I ghjucadori di campu ponu ghjucà u ballò solu cù i mani : ogni ballò chì tocca una parte di u corpu sottu à i ghjinochji hè un sbagliu. Solu u guardianu pò caccià u ballò cù u pede, ma micca fora di l’aghja. I ghjucadori ponu dribblà cù u ballò è fà à u massimu 3 passi cù u ballò in manu.

U handball Corti

U Handball Corti hè statu creatu in u 1985 . A squadra hè oghje in Naziunale 3 sottu a presidenza di Ghjaseppu Orsatelli è si cumpone per u Campiunatu Naziunale 3 di : Hakim El Koutali, Michele Lebreton, Adrianu Magne, Krisztian Papp, Lavighju Pasqualini, Florian Pietri, Niculau Pradere, Ghjuvan-Ghjaseppu Renucci, Mickaël Gimenez, Emile Meester, Abel Fonyad, Christofanu Chotard, Lisandru Coggia, Lisandru Puddu, Federicu Cumin. A squadra di u HB Corti intrenata da Joel Tenaudier porta altu u culore giallu di a maglia cù issu famosu spiritu chì face a so forza dapoi sempre.