corti-d-eri

Signore, signori innamurati, nostalgichi o appassiunati di a cità di Corti, pigliate parte à a custituzione di a nostra memoria in linea.

Cosa seranu e tematiche di u situ ?

Storia, vita pulitica, vita religiosa, vita assuciativa, sportu, persunalità, vita culturale, evoluzione di i paisaghji è di l’architettura citadina, usi è tradizione …

Cume partecipà ?

Avete ind’è voi ducumenti (ritratti, scritti, diapusitive, negativi, filmetti (8, super 8, 16 mm, VHS), carte di posta) di a cità di Corti ?

V’invitemu à cuntribuisce à l’arricchiscimentu di u situ sparghjendu li cù noi, di modu gratisi, per via d’un mail o cullendu à l’associu*.

*I vostri ducumenti seranu numerisati incù voi è vi seranu dati in tutalità.